عيد حب… سعيد
كتبهاسندباد النوبة / مدحت الاسوانى ، في 2 نوفمبر 2007 الساعة: 14:49 م
فضفضة
Happy valentine DAY
كل سنة وانتوا طيبين بمناسبة عيد الحب
انا احترت كتير اكتب ايه فى اليوم ده .. واقول ايه ؟
بصراحه مش لاقى اى افتكاسة تتقال.. طبعا الدنيا حمرا
والهدايا …الدباديب… والقلوب الحيرانة .. والعيون السهرانة..اوكييييك
لكن احب أواسى وأعزى كل انسان … وانسانة ..مش مكتوب لهم يعيشوا اللحظة دى… وربنا يصبركم.. بس تعرفوا ؟؟؟؟
الحب دة .. شىء معقد.. يمكن اكتر من الذرة والناس احتاروا فى ترجمتة.. عموما ما علينا
انا النهاردة مش ناوى افتكس اى مقال..و لكن
عايز أقول لأعز انسانه فى الدنيا كل سنة وانتى طيبة
ويا رب تكونى بخير … وربنا يوفقك
طبعا الكل حيران نفسة يعرف مين الانسانه دى ؟
وانا مش هريحكوا وهسيبكوا تولعوا … وبردوا مش هتعرفوا
___________________
طب ما تيجوا بالمناسبة ننفسن على الناس اللى عايشة اجمل قصة حب… فى عيد الحب…. يلا بينا
طبعا على رأس القائمة ( ناصر الاسمر وخطيبته اللذيذة ) لا مؤاخذة يا نصوووووور
انا شايف انك ظالمها معاك يا ناصر …. اعقل شوية وبطل شقاوة
وانتى كمان لازم تشدى عليه شوية وبلاش تسيبى الحبل على الغارب….. انا بس بهدى النفوس
_____________________
وحبيب قلبى( برتقالة) طبعا انت مقضيها بالطول وبالعرض يا عم ما ترسى على واحدة بقى وتريحنا والله احنا تعبنا معاك
على فكرة جامعه القاهرة شديدة صحن… والحدق يفهم
________________________
ومننساش ( حمزااااااااااااوى الروش )الباشا مش عاجبه العجب
البنت تحبه .. ينفض … تتقل عليه … يعيط … وبعدين
فكك يا عم وخليك مع اللى بيفكر فيك…فاهمنى طبعا
________________________
وطبعا (فراولة الشلة عصام الغالى ) عايش حالة غريبة مش متظبتة
وكمان الواد قرب يهيبر… وربنا يست عليك يا صحبى
________________________
وفيه بعض الحالات الحرجه فى الشلة مش هينفع نذكر فيها اسماء لحد ما نشوف اخرتها ….وانا متابع كويس جدا.. هع هع
_________________________
عموما بعد شوية النفسنه دى بتمنالكم انكم تتنيلوا قصدى تتجوزوا وتتلموا من الشوارع بقى… فضحتونا جتكوا البلاوى
____________________________
وان شاء الله لينا لقاء مفاجأة يوم 4/11 وهتدعولى
سلااااااااااام مؤقت
تحياتى / مدحت الاسوانى
ـــــــــــــــــــــــــــــــــــــــــــــــــــــــــ
التصنيفات : مقالات .... وآراء | السمات:مقالات .... وآراء
دوّن الإدراج
نوفمبر 10th, 2007 at 10 نوفمبر 2007 12:52 ص
عيد حب سعيد ليك انت كمان……………….وكل الشله
و يابخت الانسانه الغاليه عليك دي,,,,,,,,,يابختها بقلبك الطيب,,,,,,,,
ربنا يخليكو لبعض,,,,,,,,,,,,,ويوفق كل اتنين بيحبو بعض
نوفمبر 11th, 2007 at 11 نوفمبر 2007 7:07 م
مامتك…………………… صح؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
فبراير 17th, 2008 at 17 فبراير 2008 9:35 م
عيد حب لمييييييين والناس نايمين
دي اشكال حب لا مؤاخذة بس دا اللي انا شايفه
يعني ياعم سندباد انت عاوز تقنعني انك بتحب و انو في وحدة بتحبك لا لا لا انت بتفشر
ولا الواد حمزاوي ده وشه ينفع لأي حاجة غير الحب
نفسي اشوف البنات اللي بتحبوها>>>>>>>>>> هع هع هع هع هع
ونا بصراحة في رأيي الحب ده كلام فاضي لأنو من وجهة نظري مفيش بنت محترمة بتحب!
وانا _ زيي زيكم _ مبرضاش انو اختي تحب واحد وتمشي معاه.
من الآخر تعريف الحب : علاقة فاضية بين شاب وشابة فاضيين لمدة معينة تنتهي جذريا مع اكتشاف الاهل
بس احلى حاجة بتعجبني في الحب : الفشر بتاع الشباب حاجة مضحكة جدا ، ومن الحاجات المضحكة الغباء والتعلق بتاع البنات بالشاب
صراحة …. تصرفات المراهقين والمحبين >>>>>>> اجمل مافي الحب
والحياة قصص..
دمتم محبكم : سعدووووووووووون
فبراير 20th, 2008 at 20 فبراير 2008 8:54 م
انا نشرت تعليقك …. بس من باب الديموقراطية .. وحريه التعبير …. بس انت شكلك كده مصدوووووووووم وبتاعنى…. يا ابنى الدنيا كلها حب ..بس انت اللى مش لاقى ولا مؤاخذة وبعدين اهدى كده وبلاش نفسنه … ده انت بتنفسن زى الـــــ…….. ولا مؤاخذة
عموما اهدى كده …. وhappy 3eed