الاجازة ….. اخر لذاذة
كتبهاسندباد النوبة / مدحت الاسوانى ، في 13 يوليو 2007 الساعة: 20:45 م
الاجازة …… اخر لــــــــذاذة
يا صباح الانتخه … والشباب المستريحه…مدحت الاسوانى بيمسى على الكل اللى زى الفل
بمناسبة الاجازة الصيفية.. و مواعيد الانتخه السنوية ..عايزين نعمل حوارات ولقاءات اللى هيه..
" ام هند" قصدى المهم ندخل فى المفيد
حبيت اسأل الاخوة والاخوات .. الاصدقاء والصديقات الفاتنات الجميلات المحترمات..الاحياء منهم والاموات.. وأقولهم ….
ما هى الخطط والبرامج الذكية.. للاجازة الصيفية؟
او بمعنى اصح ..امتى تكون الاجازة اخر لذاذة؟
وكان لنا هذه اللقاءات.…..
سألت ناصر الاسمر …دكتوراة فى التهيس والاشتغالات
المحرر (اللى هو انا ) : يا بشمهندس ناصر امتى تكون الاجازة حلوة بالنسبه ليك؟
ناصر الاسمر : فى الواقع وبمنتهى الصراحة.. الاجازة تكون لذيذة.. طول ما فى بنات لذيذة
ويا حبذا لو يخلو الزى الرسمى للمصايف المايوة البكينى ويبقى اجبارى …عشان الدنيا حر زى ما انت شايف
المحرر : والله يا حج ناصر انا شايف ان فى واحدة ممكن تقتلك لو سمعت كلامك ده… انت فاهم طبعا
وننتقل من ناصر الى شاب اخر تبدو علية علامات الارهاق ويظهر انه مرهق شوية
المحرر : وبعد ما قربت من الشاب ده تعرفوا طلع مين ؟ … مين مين مين ؟
الله ؟!……. ده احمد حمزة
ازيك يا احمد ؟
احمد : الحمد لله
المحرر : اية الارهاق اللى انت فيه ده ؟
احمد : اصلى لسه راجع من الشغل تعبان وقرفان وانجز ولخص فى الحوار
المحرر : اهو انت كده من يوم ما عرفتك دايما كسلان وتعبان…حتى كسلان تتكلم
المهم انا هسألك سؤال وروح اتخمد
احمد : بلاش والنبى أسألتك الغريبة دى
المحرر : اولا انت عندك اجازات من شغلك الجديد ده
احمد : طبعا
المحرر : طب امتى الاجازة تبقى فى اللذيذ ؟
احمد : طبعا الاجازة تبقى اخر تمام اما نخرج خروجه حلوة .. انا وانت والناس الحلوة .. وطبعا لازم الاماكن تكون مناسبة وحلوة ..ولا ايه ؟
المحرر : مفهوم .. مفهوم .. وكمان حاجه جميله جدا يا احمد انك تستغل الاجازة وتعمل حاجه مفيدة .. زى الشغل مثلا
عموما اشوفك بكرة سلام .
وندور على اى حد تانى نتكلم معاه.. استنوا فى بنت زى القمر هناك اهى
الله ….دى انجى الشهيرة بــ اوشا الكتكوتة
المحرر : مساء الخير يا كتكوتة
انجى : صباح الفل يا مان
المحرر : لأ ..قصدك مساء الفل .. مش كده
انجى : لأ …هو دلوقتى بالنسبة ليا صبح
المحرر : اه ..عموما مش هتفرق لو سألتك او لأ … لانه يظهر انك بتقضيها نوم علطول
انجى : هو انت كنت عايز تسألنى فى ايه ؟
المحرر : لأ.. خلاص متخديش فى بالك
ونشوف حد تانى يكون فايق نتكلم معاه
يظهر انى جيت الاكاديمية بدرى النهاردة على الرغم من ان الساعه 1ظهرا
وبردو مش لاقى حد أسألة
عموما انا هسيب السؤال مطروح عليكم وكل واحد يبقى يجاوب على نفسه … او يبعتلى اجابته على الايميل
واحسن اجابة وأفيد اجابة …صاحبها هيفوز بجايزة كبيرة .. مقدمة من شله الافتكاسة
والى لقاء اخر
تحياتى/ مدحت الاسوانى
ـــــــــــــــــــــــــــــــــــــــــــــــــــــــــ
التصنيفات : مقالات .... وآراء | السمات:مقالات .... وآراء
دوّن الإدراج
يوليو 16th, 2007 at 16 يوليو 2007 2:42 ص
ايه الموضوع الافتكاسه ده
عايز اقولك لو مفيش سيليمات والكورنيش مش هيبقي في اجازة عند شبااااب كتير
انا كل مسال واحد خارج رايح فين يقولي رايح سيليما ايه ياعم الملل ده ….. عايزين خروجات تانيه وجديده …… ياريت ياعم المفتكس تقولنا نخرج فين ….. بس متقوليش ولا سيليما ولا علي الكورنيش .
يوليو 17th, 2007 at 17 يوليو 2007 6:10 م
من عنيا يا عم اوتاكا ……؟ وتنفيذا لرغبتك فى التغيير ……… اليك البيان التالى…
قررنا نحن ” مدحت الاسوانى ” رئيس مجلس ادارة شلة الافتكاسة الاتى :
1- القيام برحلة الى مدينة الساحل الشمالى ومدتها يومان وتبدا من الاربعاء18/7/2007
2-الرحلة هتكون لشباب فقط …يعنى ممنوع اصطحاب اى فتيات فاتنات حفاظا على المظهر العام ….. وكمان عشان نعرف نعمل مراسم التهيس
3-الاشتراك رمزى جدا وقدرة (200 جنية مصرى فقط لا غير ) …. وتسلم لمدحت الاسوانى … بمقرة الدائم
4- يتم الاستعلام عن تفاصيل الرحلة وعن حجز الباص والشاليهات عن طريق ناصر الاسمر المسئول التنفيذى للرحلات .
وحتى اشعار اخر…. نلقاكم بخير
وتحياتى / مدحت الاسوانى
يوليو 17th, 2007 at 17 يوليو 2007 6:31 م
بصراحة زي ما قال البشمهندز ناصر الاسمر يا كابتن مدحت ان الاجازة ما تحلاش ولا تبقى اخر لذاذة من غير البنات وخصوصا لما يكونو البنات لوحدهم الساعه 5 الفجر طبعا ناصر فاهمني .. ومش عايز افسر اكتر علشان شعور الزملا بس
يوليو 25th, 2007 at 25 يوليو 2007 2:14 م
الله الله الله …! ايه الكلام ده يا عم معاذ
ده انت طلعت خلبوص كبير وانا مش عارف … عموما انت وناصر أرائكم لازم تعيدو النظر فيها…….. انا نشرتها بس انطلاقا من مبدأ الديموقراطية
وفكك من البنااااات….وخليك مع الافتكاساااااااات
يناير 12th, 2009 at 12 يناير 2009 4:16 م
انتم دايما مهيسين كدة ربنا يوفقكم